Nodweddion diweddaraf ar gyfer ReallySchool
Nodweddion diweddaraf ar gyfer ReallySchool
Beth Sy’n Newydd
Gall rhieni greu arsylwadau drwy eu fersiwn nhw o'r ap. Gallan nhw ychwanegu fideo, sain, delweddau a nodiadau testun am yr hyn y mae eu plentyn wedi’i ddysgu a’i gyflawniadau i'w rhannu gyda'u hathro dosbarth. Yn ogystal â hyn, os oes gan rieni fwy nag un plentyn ar ReallySchool gallan nhw greu un sylw ar gyfer bob un o’r plant i arbed amser, yna caiff y rhain eu rhannu'n arsylwadau ar wahân yn awtomatig fel y gellir eu hanfon at yr athrawon cywir. Bydd athrawon yn derbyn hysbysiad pan fydd rhiant yn rhannu arsylwad. Yna gallan nhw ddewis rhoi adborth, dathlu cyflawniadau, a defnyddio asesiadau i'w helpu i fonitro cynnydd dysgu y tu allan i'r ysgol.
Pennu amser a dyddiad yr arsylwadau a gweithgareddau dysgu gartref
Gall athrawon a chynorthwywyr addysgu bennu'r dyddiad a'r amser wrth greu a golygu arsylwadau. Mae'r offeryn hwn nid yn unig yn ddefnyddiol ar gyfer cofnodi gwybodaeth yn y gorffennol nad oedd yn bosibl eu cofnodi ar y pryd ond hefyd ar gyfer trefnu arsylwadau a gweithgareddau dysgu gartref ar gyfer y dyfodol. Os caiff arsylwad neu weithgaredd yn y dyfodol ei gyhoeddi, ni fydd rhieni'n ei weld nac yn derbyn hysbysiad tan y dyddiad a drefnwyd.
Gorchuddio wynebau disgyblion i gefnogi diogelu
I gefnogi diogelu mae’r offeryn newydd hwn yn galluogi staff yr ysgol i osod sticeri wynebau’n gwenu ar luniau i orchuddio wynebau disgyblion. Gellir addasu maint y sticeri hyn er mwyn eu gorchuddio’n briodol a gellir eu defnyddio ar luniau grŵp ac unigol.
Troi delweddau
Gall staff droi delweddau yn yr ap 90 gradd ar y tro. Mae hyn yn galluogi staff i sicrhau bod y lluniau yn gywir heb orfod gadael yr ap.
English
English
Welsh